Нема производи во вашата кошничка.

Клуб 5*

Совети за трчање на долги патеки

Многумина, иако имаат талент за овој спорт, не се одлучуваат да започнат со учество во трки, поради одредени стравови. Прочитајте како треба да се справите со нив.

Многумина, иако имаат талент за овој спорт, не се одлучуваат да започнат со учество во трки, поради одредени стравови. Прочитајте како треба да се справите со нив.

Страв од незавршување

За да се надмине овој страв, треба постепено да ги зголемувате патеките по кои трчате. Ако сакате да се подготвите за трка, трчајте на патеки подолги одошто е должината на трката (ова не важи за маратонците). И не плашете се ако не ги завршите тренинг трките. Постепеното приспособување на далечината ќе Ви овозможи без никаков проблем да ја завршите трката.

Страв од пребрз старт

Без разлика колку искуство имате, многу лесно може да Ве понесе енергијата на стартот од некоја трка и да тргнете пребрзо, со што и многу побргу ќе се истрошите. За да му одолеете на искуството, направете си точен план за темпото и држете се до него, наместо да се обидувате да го надминете.

Маратонците и полумаратонците треба да трчаат 5 до 10 километри со планираното темпо, а потоа да џогираат 3 километри, за одмор. Оние што се подготвуваат за 10 километри треба да трчаат два до три пати по километар и половина, а потоа да си дадат 90 секунди шанса за намалување на темпото.

За 5 километарските трки рецептот е следен: километар и половина со планираното темпо, половин километар џогирање, а потоа двапати по 800 метри полно темпо, со по 90 секунди за одмор со џогирање.

Страв од тежок терен

Луѓето кои трчаат на долги патеки најмногу мразат непланирани угорнини и удолнини. Токму затоа, пред да се појавите на стартот од некоја трка, проверете ја патеката по којашто ќе трчате и најдете патишта кои се слични и на кои ќе можете да вежбате.

Страв од пад на темпото

Последните неколку километри од долгите трки знаат да бидат вистинска ментална и физичка бариера. За да спречите посериозен пад на темпото при крајот, при подготовките трчајте со контролирано темпо, во комбинација со трчање на долги патеки. Кондицијата со којашто ќе се здобиете ќе Ви помогне да го задржите темпото до крајот.